Nəşr etikası

                                                                    Baş redaktor və redaksiya heyəti
•    Baş redaktor jurnala təqdim olunan məqalələrin dərc edilməsi və ya rədd olunması barədə qərar qəbul etməkdən məsuldur. Qərar qəbul edilərkən redaktor jurnalın siyasətinə əsaslanır və mümkün plagiat və müəlliflik hüquqlarının pozulmasını istisna edən hüquqi normalara riayət edir.
•    Baş redaktor təqdim olunmuş məqaləni yalnız elmi dəyərinə əsasən qiymətləndirir və müəllifin (və ya müəlliflərin) irqi, cinsi, dini baxışları, milliyyəti, vətəndaşlığı, mənşəyi, sosial və ya siyasi görüşlərindən asılı olmayaraq obyektiv qərar verir.
•    Baş redaktor, redaksiya - nəşriyyat qrupunun əməkdaşları və jurnalın redaksiya heyətinin üzvləri məqalə barədə məlumatı yalnız müəllifə/müəlliflərə və təyin olunmuş və ya potensial rəyçilərə təqdim edə bilərlər. Bu məlumatların üçüncü şəxslərə verilməsi yolverilməzdir.
•    Baş redaktor, redaksiya ofisinin əməkdaşları, nəşr və rəy prosesində iştirak edən şəxslər və redaksiya heyətinin üzvləri müəllifin yazılı icazəsi olmadan, dərc üçün qəbul edilməmiş məqalələrin yayımlanmamış məlumatlarından öz maraqları üçün və ya üçüncü şəxslərin maraqları naminə istifadə edə bilməzlər.

                                                                                        Müəlliflər
Redaksiya heyəti müəlliflərin aşağıdakı prinsiplərə ciddi riayət etməsini tələb edir:
•    Məqalə orijinal elmi nəticələri təqdim etməlidir;
•    Təqdim olunan nəticələr həqiqi və etibarlı olmalıdır;
•    Məqalədə obyektiv və qərəzsiz məlumat təhlili aparılmalıdır;
•    Mətn daxilində təqdim edilən bütün məlumatlar dəqiq və düzgün olmalıdır;
•    Tədqiqatın hazırlanmasına töhfə verən bütün şəxslər mətn daxilində və məcburi şəkildə istifadə olunmuş ədəbiyyat siyahısında qeyd olunmalıdır;
•    Araşdırmada iştirak etmiş və əhəmiyyətli elmi töhfə vermiş bütün şəxslər həmmüəllif kimi daxil edilməlidir;
•    Məqalənin son versiyası bütün həmmüəlliflər tərəfindən təsdiqlənməli və onun dərcinə dair ümumi razılıq olmalıdır;
•    Əgər məqalədə ciddi səhvlər və qeyri-dəqiqliklər aşkarlanarsa, müəlliflər bunu dərhal redaksiyaya bildirməli və bu uyğunsuzluqların düzəldilməsi və ya zərurət yaranarsa məqalənin geri çəkilməsi təmin edilməlidir.

                                                                                       Rəyçi
Redaksiya heyəti hesab edir ki, jurnalın rəyçisi aşağıdakı etik prinsiplərə ciddi riayət etməlidir:
•    Məqalənin elmi, üslubi və etik standartlara uyğunluğunu obyektiv və qərəzsiz şəkildə qiymətləndirməlidir;
•    Rəyçi əgər öz ixtisasının məqalədə müzakirə olunan tədqiqatın səviyyəsinə və istiqamətinə tam uyğun olmadığından əmin deyilsə, bunu dərhal redaksiya heyətinə bildirməlidir;
•    Rəyçi, məqalə dərc olunana qədər orada təqdim edilən məlumatlardan öz maraqları üçün istifadə etməməlidir;
•    Rəy üçün təqdim olunan məqalə məxfi sənəd hesab olunur və heç bir şəxsə oxumaq və ya müzakirə üçün verilə bilməz; hər hansı maraqlar toqquşması ehtimalı yaranarsa, bu barədə redaksiya heyətinə məlumat verilməlidir;
•    Rəyçi müəlliflə yalnız redaksiya heyətinin əvvəlcədən verdiyi icazə əsasında birbaşa əlaqə saxlaya bilər;
•    Redaksiya heyəti rəyçinin intizamlı olmasını, rəy prosesini müəyyən edilmiş vaxtda tamamlamasını və müəlliflərə qarşı yüksək hörmət göstərməsini tələb edir;
•    Plagiat, müəlliflik hüququ və ya məlumatların saxtalaşdırılması ilə bağlı hər hansı şübhə yarandıqda, rəyçi bu barədə redaksiya heyətini dərhal məlumatlandırmalıdır.

                                                                            Müəlliflik hüquqları
“İqtisad elmləri” jurnalında məqalə dərc etdirən müəlliflər aşağıdakı şərtlərlə razılaşırlar:
•    Müəlliflər müəlliflik hüququnu özlərində saxlayır və jurnal bu əsəri ilk dəfə dərc etmək hüququna malik olur. Eyni zamanda əsər (lisenziya adı) əsasında lisenziyalaşdırılır ki, bu da digər şəxslərə əsəri müəllifliyə və bu jurnalda ilkin dərcə istinad etməklə paylaşmağa imkan verir.
•    Müəlliflər məqalənin jurnal tərəfindən dərc olunmuş versiyasını eksklüziv olmayan şərtlərlə digər kanallar vasitəsilə yaymaq üçün ayrıca əlavə müqavilələr bağlaya bilər (məsələn, əsəri institusional repozitoriyaya yerləşdirmək və ya kitabda dərc etmək). Bu zaman materialın ilk dəfə bu jurnalda dərc edildiyi göstərilməlidir.
•    Müəlliflərə öz işlərini onlayn şəkildə yerləşdirməyə icazə verilir və bu təşviq olunur (məsələn, institusional repozitoriyalarda və ya şəxsi vebsaytlarında), həm məqalə təqdim edilmədən əvvəl, həm də təqdimetmə prosesi zamanı. Bu, elmi müzakirələrin genişlənməsinə, eləcə də məqalənin daha tez və daha çox sayda istinad almasına səbəb ola bilər.